ஹொலிவுட்டின் நடிகைகள் எல்லோருக்குமே பாண்டுடன் ஜோடி சேர கொள்ளைப் பிரியம். ஆனால் அந்த பாத்திரத்திற்கு சில சிறப்பு தகுதிகளும் உண்டு. ஜேம்ஸ்பாண்ட் படங்களின் தனிச்சிறப்புகள் சில. அவற்றுள் அழகிய பெண்களின் அணிவகுப்பும் அடங்கும். ஒவ்வொரு படத்திலும் புகழ்பெற்ற நடிகைகள் யாராவது இடம்பெறுவது தவறியதே இல்லை. எல்லா காலகட்டங்களிலும் பல நாடுகளின் அழகிகள் இந்த பாண்ட் படங்களில் நடித்து பெயர் பெற்றிருக்கின்றனர்.
ஜேம்ஸ் பாண்டினுடைய பாஸின் காரியதரிசியாக எல்லா படங்களிலும் ஒரு கதாபாத்திரம் உண்டு. மணிபென்னி என்பது அவர் பெயர். பாண்டுக்கு அவ்வப்போது அலுவலக ரகசியங்களை தேவைக்கேற்றாற்போல் தருவதில் வல்லவர். பாண்டின் மேல் அதிக ஆர்வமும் அக்கறையும் கொண்டவர். ஆனால் ஏனோ, பாண்ட் இவரை மட்டும் தன்னுடன் இணைத்துக்கொண்டதிலை.
விதவிதமான கார்களும், நவீனமான ஆயுதங்களும் கடைசியாக வெளிவரும் படங்களில் அப்போது மார்க்கெட்டில் இருப்பது போன்று காண்பிக்கப்படும். இதிலும் அதுபோல் சில ஆயுதங்களைக் காண்பிக்கின்றனர். ஆனால், 1962ம் ஆண்டு பாண்ட் பயன்படுத்திய கார் இதில் எதிரிகளால் தகர்க்கப்படுகிறது. அதனால் வெகுண்டெழும் பாண்ட் கடுங்கோபத்தில் வில்லனை அழிக்க காஸ் சிலின்டர்களை உபயோகப்படுத்துவது நல்ல கிளைமாக்ஸ்.
( மேலுள்ள படங்கள் : சில இணையத்தளங்களிலிருந்து எடுக்கப்பட்டவை )
No comments:
Post a Comment