Tuesday, 17 April 2012

மறுமணம் . . .

எனக்குத் தெரிந்த பெண்ணுக்கு மறுமணம்.

32 வயதிலேயே கணவனை இழந்தவர். இரண்டு குழந்தைகளுக்கு தாய். விபத்தில் கணவர் இறந்து சில காலம் ஆகிவிட்டது.

கவலைகளும் பிரச்சினைகளும் தொடர்கதைகள் அல்ல. அவற்றை கடப்பில் போட்டுவிட்டு இப்படி முன்னேற்றகரமான பாதையில் அடியெடுத்து வைப்பது நல்லது என்றே என் மனதுக்குப் பட்டது. மகிழ்ச்சியாக வாழவே வாழ்க்கை. அதை ஒருமுறை இழந்திடுவோர் மீண்டும் அடைய நினைக்கக்கூடாதா என்ன...

 என்னை சந்தித்தபோது ,
"மாமரத்தின் மேல் கல்லை எறிகிறேன். விழுவது மாங்காயா அல்லது கல்லா என்று போகப் போகத்தான் தெரியும்" என்றார்.

 "இரண்டாம் தடவை கல்யாணம் என்றால் எத்தனை பிரச்சினைகள் முளைக்கும். யாருடன், எங்கே, எப்படி, ஏன் என்ற கேள்வியெல்லாம் எழும்பாதா?"

"புதுசாய் வருகிற கணவன் என்னதான் குணத்தில் தங்கக் கம்பியாக இருந்தாலும்... "

 "விதவைகள் வாழ்வில் மறுமலர்ச்சி எனபது மேடையில் பேச நல்லா இருக்கும் தான். ஆனால்  நடைமுறையில்...?"

ஏன்..அதில் என்ன தவறு?

 "ஓர் ஆம்பளை, பெண்டாட்டி செத்தா ரெண்டாங் கல்யாணம் செஞ்சுக்கறான். ஒரு பொண்ணு , தன் புருஷன் போயிட்டா மறுபடி ஒரு வாழ்க்கையை தேர்ந்தெடுக்கிறதில என்ன தப்பு?"


" தப்பே இல்லே. ஆனா, நிறைய வித்தியாசங்களைச் சந்திக்க வேண்டி வரும். ஒரு மனுஷன் பெண்டாட்டி செத்து , இன்னொருத்திய தாலி கட்டி, வீட்டுக்குக் கொண்டு வர்றப்ப என்ன செய்யறான்..."

"என்ன செய்யறான்..?"

"முதல் சம்சாரத்தோட போட்டோவைப் பெரிசா பிரேம் போட்டு சுவத்துல மாட்டி, மாலை  சாத்தி ,  ஊதுவத்தி செருகி , ரெண்டாந்தாரத்துகிட்ட "இவதான் உன் மூத்தாள்...கீழே விழுந்து கும்பிட்டுக்க"ன்னு சொல்லுவான். அவளும் சரிதாங்கன்னு விழுந்தெழுந்து    நமஸ்காரம்  செய்வா.. "

"இதே போல புருஷன் செத்துப்போய் ரெண்டாங் கல்யாணம் செஞ்சுக்கிட்டவ தன்  புது புருஷன்கிட்ட சொல்ல முடியுமா, “இவர் உங்க  அண்ணா ...வணங்கி ஆசீர்வாதம் வாங்க்கிகுங்க 'ன்னு..... ? "

"செருப்பைக் கழட்டிடுட்டு வந்திருவான்.."

 சோற்றில் அகப்பட்ட கல் மாதிரி உடம்பெல்லாம் கூசுகிறதே...

 "ஓர் ஆண்  தன் மனைவியை விவாகரத்து செய்திருந்தால், இரண்டாவதாய் வருபவளிடம் தீர்மானமாய் சொல்லிவிடுவான்....'இந்தா, அவ  ஒரு குணம் கெட்டவ.  அதனாலத்தான்  நான் அவளைத் தொலைச்சு தலை முழுகினேன். நீ, அவளை ஞாபக படுத்தற மாதிரி நடந்துக்காதெ..என்ன..புரிஞ்சுதா...அப்புறம் உன்னையும் உதறித் தள்ள  எனக்கு ரொம்ப நேரமாகாது...."

 இதேபோல கணவனை ஒதுக்கி, இரண்டாம் மணம் புரியும் பெண் சொல்ல முடியுமோ...?

மேலே  நாடகச் சாயலில்  உள்ளவை  அணுராதா  ரமணனின் கருத்துக்கள். பல வருடங்களுக்கு முன் படித்த ஞாபகம்.  ஆனால், அவர் சொல்லுவது அனைத்தும் உண்மையென்றே படுகிறது.

இந்த உலகம் ஒரு பாரபட்சமானது. ஆண்களுக்கு ஒரு தனிச்சட்டம். அதை சந்தர்ப்பத்திற்கு ஏற்றாற்போல் கூட்டிக்குறைத்துக்கொள்ள ஆண்களுக்கு நன்றாகத்தெரியும்.  

எதார்த்தமாக  காரியங்களை நகர்த்தும் பெண்களுக்கு எந்தச் சட்டங்களும் உதவிக்கு வருவதில்லை.

 ஆண்களில்  இது போன்ற மறுமணங்களுக்கு திறந்த மனதோடு சம்மதிப்போரும் இருக்கவே செய்கிறார்கள். ஆனால் எண்ணிக்கையில்  மிகவும் குறைவு.

 மனத்துணிச்சலும் தெய்வ நம்பிக்கையும் ஒன்று சேர்ந்த ஒரு கலவையாக,  வருவதை எதிர்கொண்டு வாழப் பழகவேண்டும். அப்போதுதான் வாழ்வில் குறுக்கிடும் சம்பவங்கள் நினைத்தபடி நடக்காத போது மனவலிமை அவர்களை கரைசேர்க்கும்.




Monday, 16 April 2012

ட்ராகுலா கதை . . . அதே போன்று ஆனால் அதுவல்ல

 நேற்றைய ட்ராகுலா கதை விளங்கவில்லை என என்னுடைய நண்பர்கள் சிலர் அழைத்துச் சொல்லியிருந்தனர்.

அவர்களுக்காகவும் அவர்களைப்போல் விளங்கிக்கொள்ள சிறமப்படுவோர்களுக்கும் இன்று அதே கதையை வேறு சில மாற்றங்களுடன் பதிவு செய்கிறேன்.

இந்த நகைச்சுவை கதைக்கு இரண்டு வடிவம் தந்து பதிவிடுவது எனக்கே சிரிப்பாகத்தான் இருக்கிறது.  இந்த முறையாவது புதிராய் இல்லாமல் இருந்தால் சரிதான்...

ஒரு குகையுனுள் இரு வௌவால்கள் தொங்கிக்கொண்டிருந்தன. விடியும் நேரம் அது.

 " எனக்கு மிகவும் தாகமாக இருக்கிறது. எங்காவது சென்று உடனே இரத்தம் குடிக்கவேண்டும் போல் இருக்கிறது." என்றது முதலாவது வௌவால்.

 இரண்டாவது வௌவால் விடியும் நேரம் வந்துவிட்டதை சொல்லி " இன்னும் ஒரு நிமிடம் தான் இருக்கிறது. இதற்குள் உன்னால் எப்படி எங்கு சென்று இரத்தம் குடிக்கமுடியும்?" என்று முடிப்பதற்குள் முதலாம் வௌவால் பறந்து சென்று சில வினாடிகளில் திரும்பி வந்தது.

 அதன் வாயில் இரத்தம். தன் நாக்கால் அதை துடைத்து சுத்தம் செய்ய ஆரம்பித்தது.

இரண்டாம் வௌவாலுக்கு ஆர்வத்தை அடக்க முடியவில்லை. சில வினாடிகளிலேயே இதனால் எப்படி தன் தாகத்தை தணிக்க முடிந்தது என்று எண்ணி,


"ஏய், நாமிருவரும் நண்பர்கள் அல்லவா? எனக்கும் சொல்லேன் அந்த இடத்தை" என்று வினவியது.

 ஒழுகும் இரத்தத்தைத் துடைத்தவாறு " வந்து ...வந்து.. நான் அந்த திசையில் போய் திரும்பியதும்...." என்று சொல்ல ஆரம்பிப்பதற்குள் இரண்டாம் வௌவால் பறந்து சென்றது.

ஒரு சில வினாடிகளுக்குப்பின் அது திரும்பியும் வந்தது. அதன் வாயிலும் இரத்தம்.

" அட மடையா, அந்த திசையில் போய் திரும்பியதும் அங்கு ஒரு கற்சுவர் இருப்பதை நீ ஏன் என்னிடம் சொல்லவில்லை ...? " என முதலாம் வௌவாலுடன் சண்டையிட்டது.

நம்மில் பலர் இப்படித்தான் அறை குறையாக எதையவது கேட்டுவிட்டு ஒரு முடிவுக்கு வந்துவிடுகிறோம்.

அகலிகையின் சாபம் . . .

இலக்கியத்தினுள் நுழைய தனிப்பெரும் திறன் வேண்டும்.
எளிதாய் தோன்றும் வார்த்தையின் விளக்கம் தெரிந்திட இதிகாச ஞானம் வேண்டும்.

உதாரணத்திற்கு கீழே இலக்கிய பக்கம் ஒன்று:


தேவி இவள் ராமா - கெளதமன்
ஆவி இவள் ராமா (தேவி)


ஆவலினாற் பண்டு
மேவல்மனங் கொண்டு

அந்தரம் நாடிய

இந்திரன் கூடிய (தேவி)

 
மாபத்தியால் கங்கை ஆடத்தடை பெற்ற
மாமுனிகண்டு வெருண்டுபயஞ் சுற்ற

கோபத்தினால் இடு சாப மொழி மெத்த

கூறையிலே கரும் பாறை வடி வுற்ற(தேவி)

 
வெம்பிய மாமுனி கண்ணில் எதிர்ப் பட்ட
வேளையிற் ண்டு பொறாமல் முனி திட்ட

அம்பொன் முடிதொட்டடியளவும் முட்ட

ஆயிரங்கண் அந்த வாசவனுக் கிட்ட (தேவி)

 
ஞானத்தினால் உன்னை ஓதினபேர்க்கெந்த
நன்மையுண் டாமோ அறியேன் இப்போ திந்த

கானத்திலே உந்தன் பாதத்து?ள்கள்சிந்த

கல்உரு மாறி அகலியை யாய் வந்த (தேவி
)
  

கல்யாண மாலை கொண்டாடும் பெண்ணே. . .

கல்யாண மாலை கொண்டாடும் பெண்ணே
என் பாட்டை கேளு உண்மைகள் சொல்வேன்
சுதியோடு லயம் போலவே-
இணையாகும் துணையாகும் சம்சார சங்கீதமே
...
(
கல்யாண மாலை..)


வாலிபஙகள் ஒடும் வயதாகக் கூடும்
ஆனாலும் அன்பு மாறாதது
மாலையிடும் சொந்தம் முடி போட்ட பந்தம்
பிரிவென்னும் சொல்லே அறியாதது
அழகான மனைவி அன்பான துணைவி
அமைந்தாலே பேரின்பமே
மடி மீது துயில சரசங்கள் பயில
மோகங்கள் ஆரம்பமே
நல்ல மனையாளின் நேசம் ஒரு கோடி
நெஞ்சம் எனும் வீணை பாடுமே தோடி
சந்தோஷ சாம்ராஜ்யமே...
(
கல்யாண மாலை
..)


கூவுகின்ற குயிலை கூட்டுகுள் வைத்து

பாடென்று சொன்னால் பாடாதம்மா
சோலை மயில் தன்னை சிறை வைத்துப் பூட்டி
ஆடென்று சொன்னால் ஆடாதம்மா
நாள்தோறும் ரசிகன் பாராட்டும் கலைஞன்
காவல்கள் எனக்கில்லையே
சோகங்கள் எனக்கு நெஞ்சோடு இருக்கு
சிரிக்காத நாளில்லையே
துக்கம் சில நேரம் பொங்கி வரும் போதும்
மக்கள் மனம் போலே பாடுவேன் கண்ணே
என் சோகம் என்னோடுதான்...
(
கல்யாண மாலை..)

பெரியசாமி என ஒரு இனிய நண்பர் இருந்தார்.

சிலாங்கூர் ட்ரெட்ஜிங்கில் வேலை செய்யத் தொடங்கிய 1978ம் ஆண்டு முதல் எங்கள் நட்பு வளர்ந்து வந்தது.

எல்லோருடனும் சிரித்துப் பழகி அன்போடு இருக்கும் முதல் கிளாஸ் மனிதர்களுள் அவரும் ஒருவர்.

திடீரென்று ஒரு நாள், " ஒரு பாட்டு பாடறேன், கேளுங்க.." என்றவாறு மேல் உள்ள பாடலை பாடத் தொடங்கி விட்டார்.

அப்போதுதான் அப்பாடலை முதன் முதலில் நான் கேட்கிறேன். அதுவும் எனது நண்பரின் குரலில். வார்த்தைகளில் இருந்த பொருள் ஆச்சரியப்பட வைத்தது. மிகவும் ரசித்துப் பாடினார் அன்று.

இப்போது அவர் நம்மிடையே இல்லை. இறந்து மூன்று வருடங்கள் ஆகிறது.

அவர் குரலில் பதிவு செய்யப்பட்ட பாடல் இன்னும் என்னிடம் இருக்கிறது.
ஆனால், ஒவ்வொருமுறையும் இப்பாடலைக் கேட்கும்போது அவர் ஞாபகம் என் நெஞ்சைத் தாக்கத் தவறுவதில்லை...


THE DUAL ROLES ARE FOR PHOTOS ONLY...

RESERVED FOR ING NEWS

SPACE RESERVED FOR ING MEDICAL CARD NEWS. . .

Sunday, 15 April 2012

ஒரு கதை...ட்ரகுலாவும் வௌவால்களும்

ஆங்கிலத்தில் ட்ராகுலா என்பதைப் பற்றி கேள்விப்பட்டிருப்பீர்கள். அப்படி கேள்விப்படாதோர், "ட்ராகுலா", "வெம்பையர்", "ஸோம்பிஸ்" போன்றவற்றை தெரிந்து வைத்துக் கொள்ளுவது நல்லது. இவைகளே நமது கண்களுக்கு தெரியும் தீய சக்திகளின் மொத்த உருவங்கள்.

 நமது இன்றைய கதையில் ட்ராகுலா தனது இருண்டு உதவியாட்களான இரத்தம் குடிக்கும் வௌவால்களை அழைக்கிறான்.

" டேய் பசங்களா.. நான் லீவுல போகப்போறேன். எனக்கு அடுத்து உங்களில் யாருக்கு என் இடத்திற்கு வருவதற்கு தகுதி இருக்குன்னு எனக்கு தெரியனும். ஆகவே ஒரு சின்ன பரீட்சை வைக்கப் போறேன்.. நீங்க ரெடியா?"

இரவினில் எழுந்து மானிட இரத்தம் குடிப்பதே இவற்றின் வேலை.

இரண்டு வௌவால்களும் தலைவன் தொழில் தனக்கு வந்தால் நல்லதுதானே என சரியென தலையை ஆட்டின.

"இன்னும் சரியாக ஒரு நிமிடத்தில் பொழுது விடிந்துவிடும்.அதற்குள் யார் சென்று நிறைய இரத்தம் குடித்து வருகிறாரோ அவரே எனக்கு அடுத்து தலைவனாகக்கூடியவர்." ட்ரகுலா சொன்னது.

உடனே முதல் வௌவால் வலது பக்கம் பறந்து சென்றது. சிரிது வினாடிகளிலேயே திரும்பியும் வந்தது. வாயில் இரத்தம்.

ஒரு சில நொடிகளுக்குள் தமது உதவியாளன் திறம்பட இரத்தம் குடித்து வந்தது கண்டு ட்ரகுலா தலைவனுக்கு மகிழ்ச்சி.

 நேரம் சென்று கொண்டிருந்தது.

இரண்டாவது வௌவாலின் மனதில் ஒன்று தோன்றியது. "ஹ்ம்ம் முதல் வௌவால் வலது பக்கம் போய்தான் யாரையோ கடித்து இரத்தம் உறிஞ்ஜிக்கொண்டு வந்திருக்கவேண்டும்... நாமும் அங்கேயே சென்று பார்ப்போம்.." என மனதில் கூறிக்கொண்டது.

இன்னும் பத்து வினாடிகளே சூரியக்கதிர் பூமியில் விழ. அதற்குள் இரண்டாம் வௌவால் பறந்து சென்று வெற்றிகரமாக இரத்தம் குடித்து வரவேண்டும்.

வௌவால் வேகமாக பறந்தது...

வலது பக்கம் திரும்பி..... 1, 2, 3, 4 என வினாடிகள் கடந்துகொண்டிருந்தன.

இரண்டாம் வௌவால் திரும்பிவிட்டது. அதன் வாயெல்லாம் நிறைய இரத்தம். முதல் வௌவாலைவிட அதிக இரத்தம் வாயில் சொட்டிக்கொண்டிருந்தது.

ட்ரகுலாவிற்கு ஆச்சரியம்.

வெற்றியாளரான இரண்டாவது வௌவாலை அறிவுக்கும் முன், வந்திறங்கிய இரண்டாவது வௌவால் நேராக முதலாம் வௌவாலிடம் போனது.

தனது பலம் முழுவதையும் கொண்டு ஒரு அறை விட்டது.

"அட மடையா அந்த வலது பக்கத்தில் ஒரு மதிற்சுவர் இருந்ததை நீ ஏன் என்னிடம் சொல்லவில்லை?" என சண்டையிட ஆரம்பித்து விட்டது.