கையில் கிடைத்தவை ...

ஒரு காலத்தில் எனக்குப் பிடித்த தொலைகாட்சித் தொடர்களாக இருந்தது இ்து.

"மிஷன் இம்பொசிபள். . ." எம்ஜிஆர் படங்களோடு இந்த "மிஷன் இம்பொசிபள்" நிகழ்ச்சியைப் பர்த்தே இரட்டை வேட  புகைப்படங்களை எடுக்க கற்றுக்கொண்டேன். அதுவும் பல நுணுக்கங்கள் இன்னும் அறிமுகப்படுத்தபபட்டிருக்காத அந்தக் காலத்தில். 

தொட்டில் பழக்கமென்பது சிலபேருக்கு ரொம்ப காலம் தொடர்ந்து வரும் ஒன்றாகும். எனக்குத்தெரிந்த, நான் சிறு வயதில் அவ்வப்போது தூக்கி வளர்த்த ஒரு பெண்ணொருவர் ( ஒரு குழந்தைக்குத் தாய் அவர் இப்போது)  அழும்போது  "மியாவ் மியாவ் பூனைக்குட்டி" என்று பாடிய வண்ணமே அழுவார். அவர் தங்கையும் அதைச் சொல்லி சிரிப்பதுண்டு சில நேரங்களில்

பூனைக்குட்டிகளை இப்போது பார்க்கும் போது அவரின் நினைவே வருகிறது. இன்னும் அதே பாடலைத்தான் பாடிக்கொண்டிருக்கிறாரா  அல்லது பாடலை மாற்றி விட்டாரா என்று தெரியவில்லை.

 நாம் வளர்க்கும் நாய்களுக்கு நாம் பேசும் மொழி தெரியும். அவை ஆங்கில  நாய்களாக இருந்தாலும் வளர்ப்போரின் மொழியினை மிக விரைவில் கற்றுக்கொள்ளும். மேலிருக்கும் இந்த நாய், எனதருமை நண்பர்கள்'ஃபிலிப்ஸ் என்னி'   தம்பதியரின் செல்ல நாய். பேசுவோரின் எல்லா உணர்ச்சிபூர்வமான வார்தைகளையும் விளங்கிக்கொண்டு அதற்கேற்றபடியான முகபாவங்களைக் காட்டும் இது.  

கடந்தாண்டு புத்ராஜெயாவில் நடைபெற்ற 'ஃபுளோரியா 2011 மலர்க்கண்காட்சியில்   எனக்குப் பிடித்தது இது. அடுக்கடுக்காக இருந்த இந்த பூ, கண்ணைக்கவரும் வண்ணம் பார்ப்போரை பரவசப்படுத்தியது.