Thursday, 15 August 2013

அசைவ உணவு ஏன் பலருக்கும் பிடிக்கிறது?

இன்றைய உலகில் காய்கறி சாப்பிடுவோரை விட மாமிச உணவினை விரும்புவோரே அதிகமாக இருப்பது போல ஒரு தோற்றம் தெரிகிறது. இது உண்மைதானா? அப்படி உண்மையானால்,  மாமிச உணவு ஏன் பலருக்கும் பிடிக்கிறது?

ஆன்மீகத்தில் தாவர உணவுக்கே முக்கியத்துவம் தரப்பட்டிருக்கும் போது, நம்மவர்களில் பலர் இன்னும் மாமிச உணவின் மேல் பற்று கொண்டிருப்பதன் நோக்கம் என்ன...? அறியாமையா அல்லது அதன் சுவையை தவிர்க்க முடியாத நிலையா?

எங்கே பிராமணன் எனும் தொலைக்காட்சித் தொடரில் புகழ்பெற்ற நடிகரும், துக்ளக் ஆசிரியருமான திரு சோ என்ன சொல்கிறார் என்பதனை அடுத்த பதிவில் பார்ப்போம்.






மரக்கலங்கள்...


சாண்டில்யன் அவர்களின் 'கடல்புறா'  நாவலின் மூன்று பகுதிகளையும் படித்து முடித்தப்பின் கடலில் பயணிக்கும் மரக்கலங்களின் மேல் ஒரு வித மோகம் ஏற்பட்டது எனக்கு. திரையிலோ, தொலைக்காட்சித் தொடரிலோ அல்லது புத்தகங்களில் இடம்பெறும் புகைப்படங்களிலோ மனம் லயித்துவிடும். அந்த ஒரு தாக்கத்தை "கடல்புறா" எனக்குத் தந்திருந்தது 1980களில்.

அன்று போர் புரியவும், வணிகம் தொடர்பான வெளி நாட்டுப்பயணங்களுக்கும் மரக்கலங்களே உதவி இருக்கின்றன. அதன் பலனாக பெரும் நகரங்கள் பலவும் ஆற்றோரமோ அல்லது கடல் சார்ந்த பகுதிகளிலோதான் இருந்திருக்கின்றன. இந்துமாக் கடலில் ஒரு காலத்தில் தமிழர்களின் மரக்கலங்களே கோலோட்சிவந்திருக்கின்றன என்பதனை படிக்கும் போது நமக்குள் மகிழ்ச்சி பெருகுகிறது. நமது முன்னோர்களின் கட்டடக்கலையின் திறமைகளை போற்றிப்புகழும் அதே நேரம் அவர்களின் மரக்கலங்கள் இந்தியக் கடலில் சாகசம் புரிந்து வந்தது பெருமை கொள்ள வைக்கிறது.


Wednesday, 14 August 2013

சொன்னார்கள் மற்றவர்கள்...2

படித்ததில் பிடித்த, வாழ்க்கைக்கு தேவையான நல்ல விசயங்களை மற்றவர்கள் சொல்லும் போது, அவற்றை படித்துவிட்டு அப்படியே விட்டுவிட முடியவில்லை. இந்த வலைப்பூவின் வருகையாளர்களும் தெரிந்துகொள்ளும் விதமாக இங்கே அவை மீண்டும் பதிவிடப்படுகின்றன.

காப்பி அடிப்பது நமது நோக்கமல்ல. ஆயினும் வாழ்க்கையே காப்பி அடிக்கும் செயல்தானே.  நல்லவற்றை காப்பி அடிப்போம். நல்லபடி வாழ்வோம்.

 



Tuesday, 13 August 2013

கதை சொல்கிறோமா கதை விடுகிறோமா?


தோல்வி...

தோல்வியால் துவண்டு விடுவது இயற்கை. ஆனால் சற்று ஆழமாக சிந்திக்கும் போது, அந்தத் தோல்வியில் ஒரு சிறு பகுதி மட்டுமே "தோல்விக்கான" காரணமாக இருப்பதைக் காணலாம். 

அந்த சிறு விசயத்தினால்  நாம் தோல்வியடைந்து விட்டோம் என நமக்கு நாமே சொல்லிக்கொண்டு தவிக்கிறோம்.  மீதமுள்ள பெரும் பகுதியில் நாம் சாதித்த பல நம் கண்களுக்கு தெரிவதில்லை. இலைமறைக் காயாய் முன்னுக்கு வராமல் ஒளிந்து கொண்டுவிடுகின்றது.

அது தோல்வி என நாம் நினைப்பதாலேயே அது தோல்வி ஆகிறது. வெற்றியடவதற்கான ஒரு முயற்சி என நாம் நினைக்கத் தொடங்கினால் நமக்கு அது ஒரு பெரிய திருப்பமாக தோன்றத் தொடங்கும்.  நாம் தவற விட்டதை மீண்டும் கண்டுகொள்ள வழிகள் பல பிறக்கும்.

வாழ்வில் ஜெயித்தவர்களாக நாம் கருதும் பலர் பல முறை தோற்றிருக்கிறார்கள் என்பதை அவர்களே சொல்ல நாம் கேட்டிருக்கிறோம். அப்படி இருக்க ஒரு தோல்வியால் துவண்டு போய் உலகமே இருண்டுவிட்டதாக எண்ணிக்கொள்வது சரிதானா? அடுத்தது என்ன என்பதே நம்மை தெளிந்த சிந்தனையாளராக அடையாளம் காட்டும் ஒன்றாகும்.

பெற்றோர் நமது பொக்கிஷம்...

நமது தாய் தந்தையரின் அருமை பெருமை எல்லாம் நாம் வளரும் போது நமக்குத் தெரிவதில்லை. நமது பிள்ளைகளை வளர்க்கும் போது பலருக்கு புரியத் தொடங்குகிறது.

ஆயினும் பாவம், ஒரு சிலருக்கு சாகும்வரை விளங்காத ஒன்றாகவே போய்விடுகிறது, நமது குடும்ப தெய்வங்களாம் பெற்றோரைப் பற்றி.

அவர்களை அலட்சியம் செய்வதிலும் உதாசீனப்படுத்துவதிலும் இந்த உண்மை வெளிப்படுகிறது. பெற்ற பிள்ளைகள் மதிக்காத போது மற்றொரு குடும்பத்திலிருந்து வருவோர் மதிப்பளித்து கௌரவிப்பர் என எப்படி எதிர்பார்க்க முடியும்?

பாவத்தைக் கட்டிக் கொள்வதென்பது இதுதானோ...?

பெற்றோர் நமது பொக்கிஷம்...அவர்களை பத்திரப்படுத்தி, பாதுகாப்போம். வாழையடி வாழையாய் குலம் தளைக்க  அதுவே சிறந்த வழி.